مناجات ترکی از صحیفه سجادیه

حمد و آلقیش بویوک تانریا، دیله یش لرین ایلکینده

حمد و آلقیش تکجه تانریا دیر که هر ندن ایلکی دی و اوننان قابقا یوخدی و صوندی و اوننان صون یوخدی.

او تانری که هر باخانین گوزلری اونی اونی گورماقدان اسکیک و یئترسیز و هر تعریف ائده نین دوشونجه و فیکیری اونی تعریف له ماقدان قالیب دی.

او تانری که اوز گوجوینن یارانمیش لاری یاراددی و اونی اوز نظری جه و اراده سی جه دوزه لید دی.

سونرا اوز اراده سینن اونلاری دوز یولا آپاردی و اوز محبت یولوندا ساخلادی، او یارانمیشلاری که گوجلری یوخیدی تانری نان قاباقا سالانی دالییا سالا، و ائله بیر یارانمیشلاری که تانری ایستکینه گوره آییری لاردان دالی دیلار و قاباقا دوشمک گوجلری یوخدی.

و بویوک تانری اونلاری هره سینه بللی روزی و زوماری بیلدیریب و او کیمسه که تانری اونا چوخ روزی وئریب دی، بیر کیمسه قادیر اولماز اوننان آزالدا، و او کیمسه یه که تانری اونا آز روزی وئریب دی بیر کیمسه ائیلیه بیلمز اونی چوخالدا.