آذربایجان مجریلری معرفی مجریان، گویندگان و گزارشگران و ارائه مطالب و اشعار ترکی جهت استفاده مجریان
گودرز حاتمی شاعر، نویسنده و فرهنگی اهل و ساکن شهر گیوی همزمان با ایام الله دهه مبارک فجر شعر ترکی را با عنوان “انقلاب سؤزلری” سروده است.
عاشق گل سسیمی آل انقلاب دان
شیرین سؤزله رووی سال انقلاب دان
آل سینون اوستونه تللی سازووی
بووطن عشقینه چال انقلاب دان
بوتون انسانلارا خبر ویرمه یه
سازون باس سینووه وطن دن اؤخی
قیشین اورتا آیی شاخدالی گؤنده
بولبول تک سیره چیخ چمن دن اؤخی
دری یه ، دربنده سال گؤزل سسین
سؤیله سیندیردیلار ظولمون قفسین
کرم آزاد اولدی غملی زنداندان
قودوز قارا ملیک کسدی نفسین
قرانلوق گئجه نون سؤن سحرچاغی
ایله بول ایشقین اثری گلیر
یوخودان آییندیم بهمن آییندا
گؤردوم انقلابین خبری گلیر
دومان چکیلیشدی بیزیم داغلاردان
چیچک آغزین آچیب ده دی باغلاردان
بو بهمن آیینین یرمی ایکیسی
بیزه مبارکدی بوتون چاغلاردان
نیاکی ظلمتین اثری ایتدی
یرینه گلیبدی بیر گؤنش بیتدی
ظالم انسانلاردان داها یوخ خبر
قهرمان رهبریم عدلی دیریتدی
سو سپون سوپورون کوچه نی بیرده
نیا کی د یولّه نازلی یار گلیر
آل یاشیل گئینوب چؤل چمن گینه
دیور یوردوموزا نوبهار گلیر
آی عاشق اوگؤندن هچ خبرین وار
آزاده انسانلار یاشاییردی خوار
هچ کیمسه قورخودان سسی چیخمیردی
انقلاب بیزلره ویردی اعتبار
مرد اوغول لار سپر ایتدی سینه سین
کسدیلر ظالمین بد هیبت سسین
قرآن مکتبیندن الهام آلد یلار
سیندیردیلار ظولمون دمیر قفسین
جانی میزدان گئچوب وطن ساخلادیق
آزادلیق یولوندا سینه داغلادیق
اؤلکه میزدن اوزدوک بیگانه الین
بیر اولماقا اول گؤن پیمان باغلادیق
وطنیم وطنیم وطنیم ایران
ائلیم اوبام گولوم گولشنیم ایران
سنه قربان اید ر « حاتمی » جانین
نازلی یوردوم گؤزل مسکنیم ایران
منبع: dana.ir
